HRINGNUN

Duhaisam

2008-06-24T16:32:00.000-07:00

" Lenrual zawngte u in tawng ve maw

Thaleng dawntuai khuavel mawitu

Chhingzo awm hian ka ring mawlh lo

Biahthu hlan ka rel nang e.."

tih hla hi kan kurpui leh vak ringawt mai teh ang....a hmelthatna leh nuihmawi piaha min hip tu ber chu, a nunze mawi tak leh hmeichhia a ka lo duhthusam ve em em thin a NU hnapna hi a ni. An veng naupang, tleirawl, nu leh pa te pawn sawisel tur an hriat loh, khawkhat nula chhuanvawr ve ani tih hi chu zawt nawn kher ngaiin ka ring lo.

Ka han ngaihtuah a, hun liam ta a, ka lung lo dum ve em em thin tute a hun lai na na a, ka lo tuiral ve em em na thin te pawh khan chhing zo mawlh hian ka ring lo. A hmel ka hmuh chang hi chuan khawvela dam a han len vel hi nuam ka tiin, Lallianmawia Pachuau in.. .

"A saw paizawl hmun cham del chuang'an

Rinawm biahthu tiama lengdunin

Kan chen damlai parmawina.."

..a tih Phaizawl hmun cham del chunga damlai parmawina chen ni hian ka inhre ve thin.. Mahse chutih ruala ka rilru hah ve thin zia hi chu sawi tel kher lo ila ka duh na a, rilru a enghelh deuh te hi sawichhuah emaw han ziahchhuah hian a zangkhai deuh thin an tih thin rinchhan chuan ka han ziak chhuak ve chu ani a, engtak ang ang i maw.

A hmel ka hmuh hmasak ber tum a ka rilru phawklek zia kha ka nghilh thei mawlh lo, Ka tisa zunzam zawng hi a fan chhuak vek hian ka hria. Tichuan ka thiannu hnenah ka hrilh a ani chuan "e..a ph no ka lo ngaihtuah sak ang che.... nang meuhin chutia i vei chu.." tiin a hnu kar khat pawh rial hmain LUNGDUMTU i ph no chu min rawn pe a.. ka lawm teh asin..

Ph no nei ta e ti lo chuan han biak vel lah chu zak ve tlat bawk si a. Ngaihtuahna leh duhthusamna ah te chuan lengdunin hlimlaini te par tlana Fanau malza chawidunin Khuanu malsawmna kan lo chhiar dun thin a, mahse chu chu ka inhnem theihna anih miau si avang chuan he hla phuah tu tawrh ang hi ka lo tem ve ngei nita in ka in hria.

"Kan run rawn kai la e, Lunglawm akim ngei ang'

Duhai ka sam thin nang tawn leh nan

Hmangaih biahthu min hlan ve nan ka dil nang e khuanu.."

Awle tunah chuan a Ph no ka nei ta a, ka ph a nga ka rilru te hi ka hrilh hre vek teh ang, tia ka in ngaihtuah neuh neuh lai chuan .. ka thiannu tho chuan min rawn call a, " i star deuh chass ka hria a rawn ti a, kei lah pek chu haihchham deuh hian, "maw !! eng a!! tunge? " ka han ti vat a ani chuan englo veng ami, ex-minister fapa kha mawle a rawn ti a, chumi rual chuan, ka khawvel hi a hnim ruai ruai hian ka hria, Ph no ka kuta ka lo hum thlan hnap chu en in , lunghnur tak chuan ka hmet khawra bawlhhlawh bawmah chuan ka vawm lut ta a.

Chuti khawpa vei leh ngaihzawng ruk chu , mi duhlai thalengi alo nih tak siah chuan engmah dang tih theih awm silo.. he khawvela nula leh tlangval inkara beiseibo tawp hnua tawngin a hrilhfiah zoloh hla nen a ziak chhuak thin tu, hla phuahtu tam tak ten an in hnemna leh an thinlunga an in thlamuanna, inhnemna awm chhun TAWNMANG chu hmachhuan ve in..

"Dawn tisei Mapui i cham reng asin

Thinlaiah min vei ve la Tawnmangah tal

Min chhang ve nang che..."

tih a thunawn lai hi ka sa ve leh tluk tluk anih chu...

ani taka, khawvelah hian lungdumtu leh beisei em em te kan nei a, mahse kan tana ruat an ni vek kher thin silo, beiseina nen a thlir tu chuan kan tih theih awmchhun leh kan inthlamuan ve theihna chu zan mumang lama hmuh a lendun ani mai si a. tichuan zan reilo te chhunga nuam leh duthusam ang ngei a lengdunin engmah dang ngai lo chuan lo leng ta thin pawh ni ila, Turni vanzawl a lo kaia bawhar zaitin thiama chuan." tawngmang sei.."tiin min lo thang leh ta thin si zawng anih hi maw......!!!

Luahloh L di Hmeltha

2008-06-19T08:21:00.000-07:00

Zan thla eng chuan kan bathlar chu a rawn en paw riai a, eng eng emaw buaipuia ka room a ka inkhung pawh chu ka insum zo thlawt lova, Pawnah chuan ka va chhuak a, kan inhnunga thingkung lianpui ding chhip ler zawn vel ah chuan chu zan lalnu chuan lungleng leh mal inti ve ngawih ngawih ni awm tak hian amah chauh chuan ngawi rengin a lo eng a. Bryan White's hla ...

"Alone again tonight without someone to love.. star are shining bright

So one more wish goes up...

Oh i wish i may and i wish with all my might.

For the love I'm dreaming of and missing in my life..

i guess i must be wishing on someone else's star...."

tih hla ipod a play chung chuan, van boruak thiang engmawi tak mai chu ka han thlir vang vang a, He khawvel hringnun inher vel hi min ngaihtuah neuh neuh tir ta a, Kan tleirawl chhuah vel laia Thla bial zan kan hlimpui thin zia te leh kan tawntirh di leh rawlthar di te nen he khawvel ah lungkham dang engmah neilova, vullai nite par ang kan tlan za thin kha ani si a, Khang hunlai tawh atang khan khi 'Chhawrhthlapui' khi chu a danglam ngailova, Tun thleng hian kan naupan laia a hmel ngai leh pian zia ang reng tho khan ngaite in hun takah par ang vul zai ala rawn rel reng bik si thin....

Chumi kum Khuangchawi thla eng zan pawh chu kum sul tam taka lo tih thrin ang tho chuan THLAPUII pawh chu ngaite bawkin a rawn herchhuak veleh a. "Sena chuan inti pachang hram hram rawh aw.. khawvel hi a tawp ta pawh ani hlei nem, Khuanu tuah loh di i tawng palh ve mai alawm , hun herin ala hnem ve mai ang che, tin hei tleirawl nun kan hmang tan ve dawn chauh a, nakum lam ah te Aizawl lamah college te i kal a nga, I tan ruat ngei di i tawnni ala her chhuak ve mai ang..lungngai reng reng suh.. khuarei hian ala ngilh tir ve mai ang che." tia dum bur phawrh paha mei zial neuh neuh chung chuan a thiam tawk te te chuan min hnem ve a.

Ani taka ka la lungrun deuh pawh ani mahna, mahse ka mithhla ah chuan ka awm ngheng a Euro cup kan pahniha kan en tum a, "Az ka leilawmna ber ini tih hi i in hria em? khuanu samsuih loh leng kan nih hi ka hlau e.. " tia pangchang taka ka hmuia min fawp thin kha ani si a. Rem lo tura ruat ta fam chu e, hun a lo her a thenna kawlah a lo her chhuah meuh chuan lung hnurin mawi leh mawilo pawh kan dawn zo ta lo anih hi maw..

Ka tingtang kuah lai chu ka han tum ri ve tang tang a, run tak leh a thu a cheng ve em em mai hian, kan thiandun chuan "luahloh l di" tih hla ngei mai hi kan han sa dun anih kha.. Hmeichhia duhlo tu vanga mittui han sen chu nep inti ru hle mah ila, ka dang thei mawlh silo ..

"Kan hlimlai ni a liam mai tur hi

Ka phallo aw ka di nang ngaihlai

Eng biahthu hriain nge suihlung i her tak

Aw ka ngai em a che luahloh L di hmeltha

I mawi chuang bik asin i lenrual zingah hian

Fur khawthiang chhawrhtla eng i iang e

Ngaihno bei chuang hmangaih par ka thliahpui siloh

Aw ka ngai em a c he luahloh L di hmeltha

Kan runah nuthai chang min tiam a

Kan silh leh fen ang fen min tiam a

Lianchhung annem ka phuloh val i tawn vanga

Suihlung min hersan hi tuar a har ana ka ti

Hmangaihna chhingmitdel vang em ni

An hai lo lengzawngten kan nunhlui

Kan hlimthlaa suihlung kan ruallai ka thlirin

Ka tuar zo dawm nem maw luahloh L di hmeltha "

Hmangaih loh Di

2008-05-30T10:07:00.000-07:00

Khawnvar mei mit in, laikhum zal la

I anka dam diai nen ka tang bei ta che

Engdang reng dawn lo hian

Ka pawm vawng vawng nang che

Mahse min hmangaih tur che hian maw

Kei zawng ka tir thei silo che

Lungloh tui i dawn tur ka kham zo si lo

A pawi mang e lungrun

Laikhum zalin ka dawn vawng vawng

I lungdum loh val mai maw ka chan tawk

Zingtian khuavar se a dam mahna

Ka thlir nang e suihlung dam ni tur chu.

Damtakin liam ta che lungrun

Nang zawng a thaval phunsang runah

Sempawk chawiin vul zel nang che

Sena hi chu ka khawngaih ngawt mai, riang em em emaw ka intih lai hian kei aia riang leh hmangaihna la lungrun zawk thianpa ka nei hi lawm tur nge lungngaih tur pawh ka hre nek love. Sap tawng takin 'childhood friend' tih takah hian kan in hnaih(close) dan hi a dang ve re re a, Kan Rawlthar cho vel hun 'Sena Pawl' kan khua a lar lai phei kha chuan a khaipa ber ka ni ve reng bawka. Sunday mi inkhawm kal hun lai vel hian teltin, baket nen 'Dam tui' lam pan in kan han liam ngei thrin anih kha.. (Insu turin..lolzz) Chhungten i inkhawm chuan pawisa ka pe ang che an tih pawn, " eng zat?" ti hmasa ber thin kha kan ni ve re re a..

Tleirawl/Rawlthar hawklak hun lai hi awm ve re re in ka hria, kei chuan khang hun lai kha "Khawvel Damlai pialral" ka ti hial asin. CHARCOAL BAND diin kan thrian za khan " Mary thatchhia i tho ang em, i tho ang em" tih kha kan khaw hall kawtah kan rem thrap thrap thrin anih kha.. part kim tlapin mawle..

Ka sawi duah a, a chung a lyric nen inmil lo e..Mahse thianpa Sena tan liau liau leh keima tan nipah fawm a ka phuah ve hla ani a, achhan chu, he khawvel duhasiam kim lohna ah hian kan lo tawn ve thil te hi a in ang thei em a, hlathu thiam tawk te in ka han ziak chhuak ve anih hi. Hemi hla a lo pian dawn hian ti hian thrianpa Sena chuan a thawnthu min hrilh a

"Kimi hi chu ka hmangaih tlawt in ka hria, Atan hian ka neih zawng zawng pawh pek ka in huam , ka nuna hial pawh. a kiangah hi chuan he khawvel hringnunah hian engmah dang reng ka lungkham thei lo, ka lawm akimin dam man ka nei hluah hluah hian ka in hria, atang nemah ka bei changni te hian an sawi leh hril thrin PIALRAL hi hetiang ang reng hian rilru leh thinlung hahdamna anih ve tho si chuan ka ngai hranpa dawn em ni ? te ka ti thrin .. a tia

Mahse maw ka hmangaih-i hian chung zawng zawng ka rilru put hmang leh engkim hre vek mahse, Khuanu in a lo duan sa hringnunah hian keimah leh ama chung a thleng dik tur reng hian min HMANGAIH ve thei tlat si lo. A mak a pawi tiraw!! Min hmangaih ve tur hian engmah tih theih ka nei lo, a lungrilah hmun ka chan loh miau si chuan maw.. min hmangaih ve tur hian dil mah ila, a chhanna chu "A pawi khawp mai, Hmangaih dang ka lo nei tawh si a" tih mai hi ani, min haw mah la ka thiam lo chuang lo che.. hmanah khan lo hrilh tur che ka ni asin mawle.."ati a, nia tunah chuan i zun ngai hian khua chu ka lo tlai ta reng anih hi, ka tan thil pakhat chuah min tih sak ta la , chu chu i tu leh fate hnenah thu ro chhiah in hlan ang che aw.. " Hmangaih loh leh lungrun loh leng in tawn chuan, an tan khua a tlai hma ngeiin hrilh hre thuai thrin ang che u" tih hi.. tiin min rawn hrilh a. chhan dan tur leh han hnem dan tur ngaihna vak hi kan hre lo mai mai khawp... .. ka in dawm ta vawng vawng ringawt mai anih hi....

I chuai ta maw

2008-05-05T22:59:00.000-07:00

Mahten awmkhawhar run thim hnuaiah
Lawmlai di ngaiin ka lo vai
Kumsul vei se tawnni her ang maw
Duhlai mampui i khiangawi'in

Hmanah chuan sirva ianga lengin
Hlimten ka tawnah vul zai relin
Tawnloh karah lung i her mai hi
Ka tawnah aw di i chuai ta maw

Lenna run a hmun lo apawi ber
Thaikawi maia biahthu hlan zawng
Mi u lunglai herthiam mai vanga
Lung i her mai zawng ana ngei

Bawihte nangnena Pahtian samsuih
A rem lo'm ni kumtluang atan
Thenloh thu di kan tiam a rem sa
Dai rial iang an chang zo ta maw

Thrianpa opa chuan Zomuanpuii ph no chu maw, i duh tak tak em a tia.. kei lah chuan tehreng mai mahse i pi no nen chuan min rawn tihder tawh lo la aw.. a tih fo chi loh em mai, tia lawmlem lo taka kan in biak zawh hnu chuan. anih leh zanin atan chuan duh tawk rih ila remchang hmasa berah kan inbe leh dawn nia tiin, kan in mangthra ta a..

Nimin chu ka comp virus vel leh eng emaw thian faia ka awm ruk ruk laiin Zorun blog(http://zorun.blogspot.com/2008/04/brig-t-sailo-nen-part-iii.html) ah ka va lenglut hlawl maia, chutah a deezer player ami Zomuanpuii album thara hla hlui a rawn thlawh lar leh "I chuai ta maw" tih hla ka han ngaithla fuh hlauh mai chu ka in dawm kun vawng2 mai zawng anih hi maw..a rawn sa runin a aw nen hian a inchawih em em mai si a, a zai aw mawi zun zamah ka lo uai leh ta reng mai lo niiin.

A birthday ka theihnghilh sak avang chuan Ap..l -i chu a lawm lo tih chu ka hria, ka hnathawh na lamah ka lo chau tawngkhawng ve ngei ani ang, kum dang ang lo takin ka han mangnghilh hlauh mai chu a lawm lo khawp mai, Ka inthiamthei tlawt bik lo. min rawn call duh ta reng reng si lova, chu mai bakah ka call pawh a pick up duh tak siloh ah chuan , a ngaite bawkin lung a leng leh ta em em mai zawng anih hi..

(hlathu hi dik lo lai awm chuan min rawn hrilh hre turin ka ngen a che u.. ka lawm e..)

Kar a hla

2008-03-11T16:15:00.000-07:00

A saw raltiang leitlangpui(?) tualnuamah sawn e
Tleitir dawnthar tuaite a leng an ti
Theihchang se thruva nunnem lenthiam tirin
Thaikawi bawngte palai va hlan ang hmiang

Za lamlian tluang phei aw a thui vawng vawng
Thaikawi biahthu hlan nan chuan in e
Khuarei turnipui lenkawl a liampui leh thrin
Kar a hla di bawihte aw ka lung a leng vawng2

Zobawm siahthing hnah nem an lo vul siu siau
Kei ka dawnthar tuaite bahsam thlah mawi
An iangzo nem maw kei ka tawnah hian
Thruva siahthing zar lawi ilo iang e

Zantiang daifim chhawrthla eng no ruai hnuaiah hian
Ka han thlir aw ka lung a leng vawng vawng
Aw damten zanmu lova chhing ta la
Tawnmang lamah tal intawng ang aw

Kan bathlar atrang chuan ka lungkham em em thramawitei lenna tlang chu kan han chuan ve tak na a.. Ruam tin a tlang hring mawi em em in khawh champhei duai mai tih loh chu hmuh tur reng a awm lo.. Ka han in ngaithuaha duhthusam na ram ah chengin an vangkhua ah len ve ka va han chak tak em e aw..

Mahse maw hmangaih biahthu ziak triala han hlan nan erawh chuan kan kar lamtluang hi a hla em si a.. tih ngaihna dang awm hek lo chu han thaikawi leh pauh mai ang hmiang tiin, hmana amah nen ngei a hla thu te leh lem ziah nana kan lo hman dun thrinna, ka kal bo san dawn ni a "min ngaihna thaikawi biahthu i rawn ziah nan Bawihte hei hi rawn hmang thrin rawh aw.." ti a ka hmui a fawp paha min pek tak PEN ngei chu phawrh chhuakin ti hian ka han thaikawi ve ta a.

"Hmangaih leh duh ber Khuanun hualin venghim zel mawlh che rawh se. Ka va han ngai thrin tak che em, kum tam a liam ta i sakhmel leh seih nuimawi ka tawn lohna chu.

I anka nem ka lunglawmna ber thrin leh i sakruang kimtlang mawi tawnni ka van nghakhlel teh lul em..Ka tan ilo parvul zel thrin em ? Nula inih angin hel tu leh beisei tute chu i tawng ve ngei thrin ang tih chu ka ring asin, mahse maw Bawihte i tan ka rinawm ang hian nangpawh ka tan chauh lo vul zel tur che in ka ngen nawn leh a che.

Ka hmangaih che tih i hria mahse ka hlan nawn leh tho ang che 'Ka damchhung ni zawng hianin e, Bawihte KA HMANGAIH ang che.

Vawiin ni hianin e, kan nunhlui te ka ngaihtuah a ka lung a leng khawp mai. Rualduhten e, Chhingkhual Kar hla di neih chu min sel vel a maw... an parchhuak zo ngailo tiin, selna za tlangtin an than tir vel a sin.. a chang chuan keipawh ka suihlung hi alo phang ve leh mai thrin. Mahse nang zawng min her san ka ring phal love.

Zantiang chhawrhthlapui eng khi i chhingmitmawi tak nen khan lo chuan ta la e. keipawh chutin ka truanna mualza tam kar dan atrang hian ka lo thlir ve a nga, chhingmit rauthla nen kan leng hmun thrin dawn nia aw...

Min Vei Ve La

2008-02-16T10:25:00.000-08:00

Thralfavang lenkawl eng ririai hnuai'n
Chul mai lose vanglai nun ngaihlai mi u
Min vei ve la duhten ka chawi nang che
I thaikawi thutin di mai zawng a tawk lo

Eng dang reng reng hian lunglai a luah mawlh lo
Nang ngai reng reng hian zanmu ka chhing theilo
Tudang ngailoten lengdun ila ka di lenmawi
Kumtluang runlum nuthai chang ngei ang che aw

Eng dang reng dawn thei hian ka mawi silo
I sakhmelmawi leh anka nem lungdumtu
Thinlai'an i cham reng thrin lungrunpui
Lenna tlang a dang tawnni i awm silo

Dawnve thrin ang che aw ariang val hi
Nang ngaih i tawnah suihlunglen ka hril vang hian
Suihlung her in ka ring lo che mi u
Lengdang trangnem zawng bel lul suh aw Thruampui

"Ka mutna pindan zimte atrang chuan zing ni chhuak engmawi tak chuan min rawn chhun ser ser a.. a zan hmasa lam a kan inbiak truma "Min Vei Ve La" tih hla i hre ngai em tia min zawhna chu han sa chhin la tiin ka lo chhang a, chutah a aw mawi em em nen chuan run takin min rawn sak sak ta mai chu ngaihthlak nin hi a har asin. He hla kher hi chu ka hla duh ber te zinga mi alo ni kher bawk nen, Original ai pawn asa thiam zawkin ka hria, phur fahran chuan ka duh zia leh nalh ka tih thrin zia te ka hrilh ta duaha. Chu Thralfavang zing ni chhuak engmawi tak hnuaiah chuan ka han ngaihtuah neuh neuh a ka lung a leng in ka ngaih lutuk piah lamah he hla hian nunhlui ram ah min hruai kirin hringnun ka han chhui nawn leh ta a....

"Khuahmuna di mah ngaih a na a, Chhingkhual a di min phuar vawng2.."

Chutah rawllai nun ngaihawm Khawvel damlai pialral hunah kir leh in, Hringnun liam hnu te ka han hrut nawn leh a, Middle sikul kai lai nun atrangin hmel duh ruk te kan han nei chho ve a, mahse tawn leh hmuh te kha kan han zak deuh trut thrin kha nia, rilru te chuan vei ve em em thrih mah ila, thriante dem fiam vel mai mai hlauh vang te khan be thra ngam lovin kan lo hel ve thrin anih kha maw..

Hringnun her zelin, Rawlthar nun kan han hmang chho trana mahni leh tawk threuhva kan vul lai anih ngei ka ring atu hringfa leng pawh hi. Love letter ziah uar hun lai ka ti mai..(nge kan hun lai khan kan lo uar zawk?) Khuahmun a mi vengthlang nula kha letter nen duhthu lengtinkim biahthu leh luangliamna kan han thaikawi kur duah ta thrin a, ani pawh chuan letter bawkin min rawn chhanglet ve leh mai bawk thrin (hi..hi)

Zirna hmunkhat ami chass neih loh chuan weekend hi kan lo nghakhlel ve thei em em a, Feh kawngah in zui in "Haw lamah min lo nghak rawh aw ". ti chung zel in phur tak leh hlim takin chhungte hlo thlawh kan han pui a. Feh haw in chhawm dunin zan lamah inhmuh leh tiamin, lunglawm hlim em em in ni chhun leh zantlai kan lo hmang liam ta thrin anih kha maw..

Chutia ngawi reng a ka in ngaihtuah muk lai chuan ka cell phone a alarm chu ri ta trang2 a zing dar8:30am ka hna kal a lo hun ta a ka laptop chu khupin ka in khalh chhuak ve leh ta hnak hnak a. tihian ka ngaihtuah zui ta mai mai a

Tunah chuan vairang/mingo ramah truanin hringnun chu mahten ka han zawh ve bauh bauh chu ani a.. Lam ang let a kir leh ni chuan rualduhten khiangawi runlum zua nu changin hraileng nen truan trul an lo rel ta hlawm awm sia. HLIMLAI nite khan kirtiang an rel tawh dawn si lo le.......... duhthuleng tinkim sam in hringnun hi ka thamral mai dawn anih hi le.....

I Vawng zel ang aw

2008-01-29T07:45:00.000-08:00

Thinlai lunglawm tikim turin

Tleitir mengmawi nang ka lo tawng che

Khuanun min hual zel se,

Nangnen a kan lendun ve nan

Ka hlan a che, ka hmangaihna

Sirah lo hnawl lul suh aw

Ka hlan biahthu hi, ka duh ber che

Sut leh hian ka inring mawlh lo

Inthren lawng aw enchimloh nuimawi

Bawihte nangnen a leng dunin

Lengdang trang bel lul suh aw duhlai

Vawng zel ang rinawmna

Chutin kan run rawn mawi nang che

Karah hmelma lo hrang thrin mahse

Sirah min hnawl lul suh aw.

Satu:Hard ray

" Nia tunah chuan nang ka lo tawng ta che a lawmna in ka lo khatliam reng mai alo nih hi. intren zai chu rel mawlh long aw.."

I Thliak Dun Ang

2008-01-15T19:27:00.000-08:00

Ka ngai em che ka di Mampui

Suihlung a leng i tel lo chuan

Bahsam thlah mawi, chhemdam thlifim a lo lenin

I Mawi chuang e zaleng zinga'n

I ang zo reng an awm si lo

Hlimte'n i lengdun zel ang aw

Hmelma doral chu i hnawl zelin

Trang nemah maw, a falten in pawm vawng2 'in

Biahzai nemten i hlan dun ang

Hmatiang thlirin i am dun ang

Ka leng dawntuai i kimtlang reng

a mawi lua e, ka en ning lo

Kei pawhy chutin mi han dawn chuan ka thling silo

Laisen lungmawl ka theih tawk chu

Hmangaihna i tan ka hlan e

Kei ka lungmawl duhaisam chuan

Ka tan nu thai chang mai teh la

Hmangaihna par tlanin i leng dun zel ang aw,

I thliak dun ang a vul laiin

Chhawrhthlapui eng no riai hnuaia'an

LAlliianmawia Pahuau run taka a sak leh phuah chhuah ani miau sia..han sawi belh vak tur pawh ka nei chuang lo.. lungdumtu i tan ani mai..

Ka Tan i vul e

2007-12-17T23:21:00.000-08:00

model: Juliet
Pic from : zolife.info

Van angel ianga hmelthra
Chhingmit meng mawite
Zanmu chhinglo renga dawnin
Tunah i zun leng chuan min zem si a
Ka tan par ang lo vul mai ta che..
I rem ve mai lo maw..

oh..! oh...!! ooh..!!

Chau in ka lo rum e
i zun leng tham vangin

Dawn lem ka nei thei love
Nang lo leng chu

Aw.. nang lo leng chu

I zun ngaih ka hril thiam lo
Kha seih sakhmel mawi nen
Ka lam lo hawiin lo vul leh la
Hringnun her zel tinuam an
Aw ka kiangah nirei chamin
Min hnem zel rawh aw

Ka tan khuavel a par vul ve ta

Aw Angel ianga hmelthra lungrun
I mawina hi ka tuar zo silo.

'Loisi' ka tan ilo vul e

Lunglawm akim ngei

Keimah pek chu ka lo khatliam ve leh ringawt peka tiin Sena chuan min rawn hrilh a.. X-mas hma lawkah lo thleng tur nen. tawnloh kar hla di neih chu hril thiam hi a har anih hi..

Zan ka mu tur chu ka rilru helh tak tu thil hi awm tlat peka, chu chu ka ngaih em em (i) mawina hlathu mawl te thiam tawk tein ka han thai kawi ve leh tawp mai anih hi maw.. minhnemtu ani miau si a le..

Zoram Ngaih Hla

2007-10-25T13:47:00.000-07:00

Phuahtu: Zo Rock

Zanin chu ka lunglen minhnem turin
Ram chhung leh pawn telephone bu te ka han thlir a
US unau te ka ngai Zampui tlang dung aw, Manipur
Rangoon pawh Zali kan chuang e

Aw Zoram min nghilh bik suh ang che
Dawn changin Zoram kan ngai vawng vawng
Hmangaih biahthu in hlan bang lawng aw

Zanin Shillong tlang chhawrhthlapui eng hnuaiah
Pianna Zoram hmangaih ber te lenna Kolasib ngaih a zual
Lenrual lungduhte zawngte kan ram ngeiah hlimin an leng
Len ve hun aw ka nghakhlel

Miramah zawng lunglen ana e
Lam ang lo let ka nuam e
A rei tawh lawng e,
Min lo nghak la inthren tawh lawng aw

Zanin chu ka lunglen min hnem turin
Rualhlui zawngte autograph address ka thlir a
Hmana lenrual fam ta te ka ngai
Hranglui zaimi fam ta te ka dawn changin
Luaithlipui ka hnul leh thin

he hla hi tun hnai lawk a ka hriat thar ani a.. nalh in hla thluk te hi a mawi khawp mai.. tin rampawn a awm bo te hian ZORAM hi chu kan ngai bang lo ani truh awm e.. "Hmangaih biahthu in hlan bang lawng aw.." tih lai hi ka diriam khawp mai..

Suihlung dumtu

2007-10-13T22:21:00.000-07:00

Model: Suzanne and April

1, Chhaktiang turni kawlah alo kaia
Ka han chuana leimawina zawngte
Tawnloh annem i zun vul vang hian
Lunglam vaiin luaithli ka hnul e

I rem em ka tawna vul zai rel chu
Chiangten min hrilh ve la i lungthin zawngte
Thiamten tuar ka zuam asin.

Kipten e ka han dawn vel thrin a
Ka sakruang kimtlang zawngte hian
Zaleng val dungthul ve mah suh se
Ka hmangaihna ka hlan tho che asin.

Vawikhat chu, chu vangkhawpui laitual mawia chhingkhual rawn chang leng lungdumtu chuan Vallungmawl lung a kuai tlat a, hla thu mawl te ka han ziak chhuak ve ngawt mai anih chu

Me and the Food(Pic)

2007-09-07T22:04:00.000-07:00

".. I'll be fine with a Vodka.."

"..i made the famous Japanese food Sushi.."

"....Let's Party.."

Lil Bro for the War Eagles(some pic)

2007-08-21T21:39:00.000-07:00

KAM KHAT A TAWK...

2007-06-11T22:05:00.000-07:00

Hawi vel changin lung a awi theilo

Min dantu kawl a zam thui lua e

A zual thin suihlunglen

I sakhmel tawng lova len reng zawng

Luaithlu nul ka bang thei dawn nem le

Uaiin dairial ka chang hial awm e

Ngaihlai enchimlohte min hre reng la

I rauthla tal suihlunglen hnem an

Tirin rawn len ve la tuar a nem ang

I tawngkam khat a tawk thinlai dam nan

Lenna tlang te chu dang rih mahse

Englai pawn ka nghilh lo che

Min han ngai ve tak ang che maw

Rial ang ral mai lo se i aw mawi

A cham reng si ka thinlairukah

Par ang vul zel la damten mangtha.

Kar hla di neih hi zawng aw... hringnun hian a tlin lo mai ang tih zawng ka hlau ber mai.. Zirsangzela Hnamte(L) ai hi chuan ka la na zawk ang, mahse ani angin hla thu mawi tak leh thluk nalh lungril fan vawng2 thei khawpin ka ziak ve thiam silo a le..

Blue corn (Tlingi, Felicia and Kim Kim) te sak atan niawm taka a phuah ni leh zel hian ka hre hnuhnawh leh vel..

Tawn thar Di

2007-03-23T19:39:00.000-07:00

Mahriak awmhar run nghah niin

Ka ngai zual thin che Tawnthar di

Khawian nge maw i tuan tak le

Min hnemtu reng aw ka tawng silo

A leng zual e ka suihlung hi

Tawn leh nan maw khua her thuai se

Lunglen biahthu tinkim hril dun in e

Hmangaihna par i tlan dun ang aw

I sakhmelmawi ka lawmna ber

I chhingmitmeng aw ngaihno bei

I anka nem i nui ri ten

Min sawm e aw, i zuna uai turin

Chutin dite ka ngen ang che

I thinlung kawmka min hawn la

Hmangaihna in min lo hmuak la

Ka thawikawi bawngte rawn chhang ang che

eng nge ka han sawi belh ve tak ang le, keia luangliam ve te hi zawng he hla phuahtu thuthiam na nen chuan engmah lo mai alo nih hi ..

Tawnthar di neih hi chu ava lo nuam tak e aw.. abikin nula rim na chang han hriat tirh tran vel, ngaihzawng neih tran tirh vel huna, lungdumtu neih hi damlai pialral ka ti lo phal lul love.

Khawruhlian tlangval lungleng(Lalfa Hnamte) pawn hlain" ..aw khawel damlai pialral rawllai kan vanglainite kha.." alo ti thlawt alawm mawle.

"Phuloh nghah chu khuatlaina" tiin fam Lalzova'n alo hril tawh ang khan keipawh hi khua ka lo tlai ve reng dah ang nge tih hi ka hlau hnuhnawh leh vela, mahse forever young tih hi ka thunawn anih leh fo zawk dawn anih hi..

Trumkhat chu minu zunah ka uai tlat pek a, mahse minu ani tih reng ka hre lo, a hnu fe a ka hriat hnu chuan amah chu ka zawt ta a, ani pawh chuan lung min hersan ang tih ka hlauh em avang ania, ka hrilh loh che. mahse he hun hi engtik niah emaw chuan alo herchhuak dawn tho tih hre reng chungin ka haidera, ka ngaihtuah ngam ngailo, ani. Hmangaih a pawi tiraw.. sakhmel dar ang kan lo in tawn hi..tiin keichu ka rem ta silova, ka liam ta ani mai ang chu.. khuanu malsawmna nen hringnun par chu i tlan zel dawn nia. " tiin mittui nen min thren ta a.

Tlangval a pumpa mah ni ila pachan har ka ti khawp mai, ni e, Hringnunah hian khuanu remruat hi kan beisei dan nilova alo thlen hian tawrhthiam a har thrin em a, kan vui leh mai thrin. keipawh chu khawvel nawm chenna tinreng nen, nunhlui reng ngaihtuah hman lo tura hmanhlel chu ka tum ta a, mahse engtik lai mah chuan chu ka hmangaihi chu nghilh zai reng ka rel thei silo. tiin ka thriapa Sena chuan he hla H Lalthrakima sak "TAWNTHAR DI" tih Phuloh Dipuii tih album rawn lar tran tirh lai khan min hrilh a, keipawh chuan hla thu chu ngun taka ngaithla chung chuan. ka thrianpa dinhmun chu ka han ngaihtuahpuia, Tawnthar di hla thu nen chuan inzawmna reng ka hmu lo, mahse a point tak zawk chu lungrukah duhleng vei neih hi a nuam em ani tih lam zawk ni ngei ang.

hringnun hi ka hrethiam lo hle mai..life is not fair .. vawikhat pian ve mana damchan leh hmangaih ber luahzo lo tur chu tawrhthiam a har ani......t

Hmangaih lehkhathawn

2007-02-22T09:24:00.000-08:00

"Well if they say that love is in the air, never is it clear
How to pull it close and make it stay
If butterflies are free to fly, why do they fly away
Leavin' me to carry on and wonder why
Was it you that kept me wondering through this life
And you know that I was always on your side"

Nimin a liam ta thil te chu dahtha in naktuk ni thar chu beiseina nen ka chuan mek lai hian

Ka rilru ah chuan ilo thar leh tlat mai si a, a hma hun nuam leh hlimawm tak kan neih dun thin zan te kha... bawm chhunga khung a tuipui chunga len bo tir mai chu duh hle mah ila, ka rilru hi a chhungah a awm ve tlat dawn avang hian. ka nun atanga lak bo che hi har ka va ti tak em.

He khawvel hringnun beiseina nen a min hman tir thin tu Duh Tak "a pawi a ni" tih mai loh chu tunah eng thu nge ka sawi tak ang le.

Mahse an hril HMANGAIHNA chu vansangah khian fiah lem lo takin an zam vel a, engtia chhaia cham hlen tir tur nge ni.. Phengpheleng chu thlawk tur in an zalen si a. An iang hian nang pawh duhleng thlangin lenna vangkhua chu va mawi mawlh rawh aw.. mahse nghilh zawng i har dawn tih ka hria e.

Hun hi her lovin chelhdin theih ka va duh tak em, tichuan nangnen a kan hlimlai ni kha chatuan changin hringnun Pialral a chang tur

Khawvel rosum zawng leh thildang zawng2 hnawlin i hmangaih tang belh i thlan zawk avangin kei chuan mi huaisen tiin ka ko ang che a, ka hmangaih zual sauh che ani tih hi i hre nawn leh dawn nia. He kan hringnunah hian nang leh kei chu an sawi Khuatuah rem loh leng lo ni mah ila, nang ka hriat chauh che pawh hi alawm awm tho e..

Tin, i hmalam hun atan van malsawmna ka duh sak a che, Fanau malza chawia damlai hringnun i hman zel theihnan Khuanu hnenah ka lo dil ve thrin dawn nia. I lenna tlangtin chu mawi zel ang che aw..

Thil engkim hi Pathian remruatah pawm thiam hi ka tum ve tawh ang, ka duhdan leh beisei dan ni vek kher lo mahse e.. lawm zel chu ka tum ve hram hram tawh ang.

Ih maw lungrun duhthu ka han sam nawn leh a, kan run lo lawi a, nangnen a runlum dun hi ka van chak tak em, Hringnun damlai parmawina chu chenin engdang reng hi ka ngailo tur.

A tawp ber atan chuan i tan thu hnuhnung ka siam alo ngai ta si a, hreh tak chungin ka pen leh lehkhabu ah chuan ti hian ka thiam tawk te in thlahna leh duhsakna ka han ziak chhuak ve tawp mai anih hi. Ka thu ziah te hi i hrethiam ve vek awm silo tiraw.. Khuatuah loh leng

Manthra Kumtluang atan...

Ka Lalpa Kraws(The Cross of My Lord)

2007-02-16T22:45:00.000-08:00

Lei leh van leh a chhunga thil awm zawng zawng

Siamtu leh enkawltu Pathian chuan,

Kei misual leh felna reng nei lo hi.

A rawngbawl turin min ko chhuak a

Khawngaihna rawngbawl hna ka lo chelh ta.

Ka taksa natna khirh takin a bawm a

Lalpa remruat zel a lo ni e.

Kan thratna tur a min thawh sak tu chuan

Ka banah min kai a min hruai zel

Kraws kawng min zawh tir ve a lo ni e

Lalpa i tello chuan ka kal thiam lo

Lalpa kei chuan ka tlin lo a ni

I hmangaihte tan eng nge ka tih ve ang?

Lalpa nang chauh ka hmachuan che

I thlarau thianghlim thiltihtheihna nen.

Kohranho trawngtraina chhangtu Lalpa

Ka lungpui leh humhimna i ni.

Thihna hlim kawr ruam ka zawh laiin

Nun beidawng leh chauvin ka awm a

Ka Lalpa min hnaih tirtu alo ni e.

Ka Lalpan a fate a thu nun thrin a

Thunun loh fa tunge awm ngai le?

Nun chapo kan neih Lalpan a phal lo

Tlawmna a rawngbawl turin min duh

Ka Lalpa kraws chauh ka chhuang tawh ang.

He hla hi Lalthianghlima phuah ani a, he hla a phuah lai hian amah, a phuahtu hi natna khirh takin a bawm a, lungngaihna tuipui fawn kara pil in thihna hlim kawr zawh hial a in hria ni mahse, Kan tana remruat thrin tu Lapa thu hi engkim ani tih zawk hre chhuak in, fakna hla thra leh mite thinlung hneh tu alo piang ta anih hi..

Buannel Ramdai

2007-01-28T17:56:00.000-08:00

"A zual si thin(for the one)"

2007-01-14T22:41:00.000-08:00

Duhtin ka sam sual em ni

I zun phurh zawh loh vang nge

I ngai reng hian ka kiu vawng vawng

Nemten tawrh nan min hlan ve rawh.

I lungril chu min hrilh la

Ka dum zolo anih pawn e

Thiam ten ka tuar zel mai tang e

Duhlai thradang lenmawi.

Nang ngai reng hian e,

Tlaini len a har ka ti

Min dawn ve che maw.

Zun ngai vang a tham vel ariang hi

Ban zai a rel si lo hian

Chhunni tin a zual zel si

Dar ang tawnni chu her ve ngai maw

Thamral lo zun zam chang mai rawh

Thaikawi biahthu

2007-01-05T12:32:00.000-08:00

"Knowing many, Loving none...Having fun ....seems to be unreason deep down inside she'll always be mine.."

Luangliam in hmangaihna awmzia dawnin ni chhun ka han hmang liam ta thrin a..chhanna reng pawh hmu chuang lo chuan muttuah ka rel a.. ...A mi leng tam tak hringnun hian alo tawng tawh thrin a, lungngaihni leh hlimni te pawh trawmpui tu sawi tham lek ka tawng tawh thin. mahse an ni zawng tiua chhum sikni eng kara lo zam ral mai ang hian an lo lang a an ral leh mai si thrin..

Nang zawng maw ka tan thil danglam tak ka nun ah i rawn thlen avang hian ka lawmna hi ka sawifiah thiam silo... Khuanu ropui zia min rawn hrilh nawn tu nizelin. Kan tuanna kawl min dantu chu zam thui hle mahse .......i nghak phawt mai ang aw.. Siamtu ni rel sakhmel kan intawn ve ni tur chu..

Introduction

2007-01-05T11:36:00.000-08:00

There is a long hard Road follows for behind me,Its so cold and I’m about to die, Chasing a dream around the world Its got me feeling down. Though it use to make me high

Looking for an answers searching for the truth, In an ocean of lies.Trying to find a reason to make the hole thing right, will make you old before your time.

When I was younger,I thought I ruled the world , but it was an oyster at my feet, Dancing to my own drum, fishing out the pearl wish I would have been much more discreet. I've lived a lifetime, acting out apart, Its been a long uphill climb,

now all the things that use to mean so much to me has got me old before my time, And wondering aimlessly,wondering down, would it ever be much different now, remind me of the past,
I slip into a dream, funny things ain`t never what they seem, Living like a children, never doing what we are told, Would not hessitate to take a chance,That Road behind me now was paved with fool’s gold.....!!!