Thursday, October 25, 2007

Zoram Ngaih Hla

Phuahtu: Zo Rock


Zanin chu ka lunglen minhnem turin
Ram chhung leh pawn telephone bu te ka han thlir a
US unau te ka ngai Zampui tlang dung aw, Manipur
Rangoon pawh Zali kan chuang e


Aw Zoram min nghilh bik suh ang che
Dawn changin Zoram kan ngai vawng vawng
Hmangaih biahthu in hlan bang lawng aw


Zanin Shillong tlang chhawrhthlapui eng hnuaiah
Pianna Zoram hmangaih ber te lenna Kolasib ngaih a zual
Lenrual lungduhte zawngte kan ram ngeiah hlimin an leng
Len ve hun aw ka nghakhlel


Miramah zawng lunglen ana e
Lam ang lo let ka nuam e
A rei tawh lawng e,
Min lo nghak la inthren tawh lawng aw


Zanin chu ka lunglen min hnem turin
Rualhlui zawngte autograph address ka thlir a
Hmana lenrual fam ta te ka ngai
Hranglui zaimi fam ta te ka dawn changin
Luaithlipui ka hnul leh thin

he hla hi tun hnai lawk a ka hriat thar ani a.. nalh in hla thluk te hi a mawi khawp mai.. tin rampawn a awm bo te hian ZORAM hi chu kan ngai bang lo ani truh awm e.. "Hmangaih biahthu in hlan bang lawng aw.." tih lai hi ka diriam khawp mai..

3 comments:

illusionaire said...

Pu Chabetkai, i thlalak ka nei si lova, i blog post a mi artist pakhat Lalthakima pic khu ka dah tawp mai, Mizo Bloggers Directory a i profile ah :)

i hman hunah i thlalak tak tak chu mi rawn thawn dawn nia aw. Thanx.

luke jh said...

thanks a lot Sandman.. nia ka rawn thawn dawn che ania

Puia said...

Keipawh nalh ka ti khawp mai he hla kher hi chu. Hla hi a thu ai mahin a thluk leh music velah hian ka luang liam mah zawk a, mahse, hla thenkhat tuna Rosangliana hla ang chi te hi chuan suangtuahna a ti kal thui thei vawng vawng khawp mai. Tin, he hla hian Zoram khawvel a huam chiang hle bawkin ka hria. Rengoon, Manipur,USA,Shillong, leh Mizoram a huam tir vek a, hei hian a hla ropui zia a tarlang leh zualin ka hria.

Zampui Tlang dung te khi hmanlai chuan Zofate awp chin ram vek a ni. Burma sipai an tan chiam avangin Mizo tlangval tam tak te chu Rangoon ah an awmkhawm ta bawk a. Chutiang zelin USA lamah mizo thahnem tak an awm bawk a, atan chuan USA unaute ka ngai han tih pawh a awm khawp mai, midang tan te pawh.