Tuesday, March 11, 2008

Kar a hla




A saw raltiang leitlangpui(?) tualnuamah sawn e
Tleitir dawnthar tuaite a leng an ti
Theihchang se thruva nunnem lenthiam tirin
Thaikawi bawngte palai va hlan ang hmiang

Za lamlian tluang phei aw a thui vawng vawng
Thaikawi biahthu hlan nan chuan in e
Khuarei turnipui lenkawl a liampui leh thrin
Kar a hla di bawihte aw ka lung a leng vawng2

Zobawm siahthing hnah nem an lo vul siu siau
Kei ka dawnthar tuaite bahsam thlah mawi
An iangzo nem maw kei ka tawnah hian
Thruva siahthing zar lawi ilo iang e

Zantiang daifim chhawrthla eng no ruai hnuaiah hian
Ka han thlir aw ka lung a leng vawng vawng
Aw damten zanmu lova chhing ta la
Tawnmang lamah tal intawng ang aw

Kan bathlar atrang chuan ka lungkham em em thramawitei lenna tlang chu kan han chuan ve tak na a.. Ruam tin a tlang hring mawi em em in khawh champhei duai mai tih loh chu hmuh tur reng a awm lo.. Ka han in ngaithuaha duhthusam na ram ah chengin an vangkhua ah len ve ka va han chak tak em e aw..

Mahse maw hmangaih biahthu ziak triala han hlan nan erawh chuan kan kar lamtluang hi a hla em si a.. tih ngaihna dang awm hek lo chu han thaikawi leh pauh mai ang hmiang tiin, hmana amah nen ngei a hla thu te leh lem ziah nana kan lo hman dun thrinna, ka kal bo san dawn ni a "min ngaihna thaikawi biahthu i rawn ziah nan Bawihte hei hi rawn hmang thrin rawh aw.." ti a ka hmui a fawp paha min pek tak PEN ngei chu phawrh chhuakin ti hian ka han thaikawi ve ta a.

"Hmangaih leh duh ber Khuanun hualin venghim zel mawlh che rawh se. Ka va han ngai thrin tak che em, kum tam a liam ta i sakhmel leh seih nuimawi ka tawn lohna chu.
I anka nem ka lunglawmna ber thrin leh i sakruang kimtlang mawi tawnni ka van nghakhlel teh lul em..Ka tan ilo parvul zel thrin em ? Nula inih angin hel tu leh beisei tute chu i tawng ve ngei thrin ang tih chu ka ring asin, mahse maw Bawihte i tan ka rinawm ang hian nangpawh ka tan chauh lo vul zel tur che in ka ngen nawn leh a che.

Ka hmangaih che tih i hria mahse ka hlan nawn leh tho ang che 'Ka damchhung ni zawng hianin e, Bawihte KA HMANGAIH ang che.

Vawiin ni hianin e, kan nunhlui te ka ngaihtuah a ka lung a leng khawp mai. Rualduhten e, Chhingkhual Kar hla di neih chu min sel vel a maw... an parchhuak zo ngailo tiin, selna za tlangtin an than tir vel a sin.. a chang chuan keipawh ka suihlung hi alo phang ve leh mai thrin. Mahse nang zawng min her san ka ring phal love.

Zantiang chhawrhthlapui eng khi i chhingmitmawi tak nen khan lo chuan ta la e. keipawh chutin ka truanna mualza tam kar dan atrang hian ka lo thlir ve a nga, chhingmit rauthla nen kan leng hmun thrin dawn nia aw...



6 comments:

Awzzman said...

a va ropui thin ve le..aw kar ahla..an lo tih vawng2 thin kha maw!!

Jinx said...

"Aw kar a hla"-Daduhi kha ka ngaithlak mek laiin i blog hi ka han en chu...mak hle mai.

Hetianga thlum lekhathawn dawnlohna alo va rei ta em! Dawn leh min ti chak thar hle mai. Lekhathawn ngei ni bok se...alo hlu bik riau alom :)

Azaia said...

@Awzzman nia a hla vawng2 em stin mawle...

@Jinx chuti ve bawk maw? nia kan hun lai ve kha chuan uar tak kan ni. ka ziak thiam vak bik lonaa, thlum deuh deuh han dawn nge mai kha chu nuam deuh ania tiraw..

hmanni chu ka file hlui ka hai a, hei hi ka hmu a hlathu nen hian in hnaih ve deuh reuh bawk sia ka rawn tarlang vel mai mai nia..

Jerusha said...

@jinx - awi dik lutuk, lehkha thawn ziah leh dawn nawm zia kha awww...email hi chu ka ziak peih bawk lo a ka chiar peih bawk hek lo...

kar hla lam hi chu a..kei kar hla master tan hi chuan chhiar tam loh hi thra ber e!

Puia said...

I thil min chah kha, hei ka thlen thlak leh hnuah ka hmu chauh a, a pawi ka ti hle mai. C.Dina in ah ka len ngun nen, a nei vek awm si a, pawi ka ti hle mai. Hawn leh hunah dam chuan, rawn tih ngei ka tum dawn nia. A remlo nang nen a lendun, tih kha..

Azaia said...

@Puia nia pawilo, lehpekah ni mai tiraw.. ka lawm re re e..