Tuesday, June 24, 2008

Duhaisam

" Lenrual zawngte u in tawng ve maw 
 Thaleng dawntuai khuavel mawitu
 Chhingzo awm hian ka ring mawlh lo
 Biahthu hlan ka rel nang e.."


tih hla hi kan kurpui leh vak ringawt mai teh ang....a hmelthatna  leh nuihmawi piaha  min hip tu ber  chu, a nunze mawi tak leh hmeichhia a ka lo duhthusam ve em em  thin  a NU hnapna hi a ni.  An veng naupang, tleirawl, nu leh pa te pawn sawisel tur an hriat loh, khawkhat nula chhuanvawr ve ani tih hi chu zawt nawn kher ngaiin ka ring lo.

Ka han ngaihtuah a, hun liam ta a, ka lung lo dum ve em em thin tute a hun lai na na a, ka lo  tuiral ve em em na thin te pawh khan chhing zo mawlh hian ka ring lo. A hmel ka hmuh chang hi chuan khawvela dam a han len vel hi nuam ka tiin, Lallianmawia Pachuau in.. .

"A saw paizawl hmun cham del chuang'an
Rinawm biahthu tiama lengdunin
Kan chen damlai parmawina.."

..a tih  Phaizawl hmun cham del chunga damlai parmawina chen  ni hian ka inhre ve thin..  Mahse chutih ruala ka rilru hah ve thin zia hi chu sawi tel kher lo ila ka duh na a,  rilru a enghelh deuh te hi sawichhuah emaw han ziahchhuah hian a zangkhai deuh thin an tih thin rinchhan chuan ka han ziak chhuak ve chu ani a, engtak ang ang i maw.

A hmel ka hmuh hmasak ber tum a ka rilru phawklek zia kha ka nghilh thei mawlh lo, Ka tisa zunzam zawng hi a fan chhuak vek hian ka hria. Tichuan ka thiannu hnenah ka hrilh a ani chuan "e..a ph no ka lo ngaihtuah sak ang che.... nang meuhin chutia i vei chu.." tiin a hnu kar khat pawh rial hmain LUNGDUMTU i ph no chu min rawn pe a.. ka lawm  teh asin..


Ph no nei ta e ti lo chuan han biak vel lah chu zak ve tlat bawk si a. Ngaihtuahna leh duhthusamna ah te chuan lengdunin  hlimlaini te par tlana Fanau malza chawidunin  Khuanu malsawmna kan lo chhiar dun thin a,  mahse chu chu ka inhnem theihna anih miau si avang chuan  he hla phuah tu tawrh ang hi ka lo tem ve ngei nita in ka in hria.

"Kan run rawn kai la e, Lunglawm akim ngei ang'
Duhai ka sam thin nang tawn leh nan
Hmangaih biahthu min hlan ve nan ka dil nang e khuanu.."


Awle tunah chuan a Ph no ka nei ta a, ka ph a nga ka rilru te hi ka hrilh hre vek teh ang, tia ka in ngaihtuah neuh neuh lai chuan .. ka thiannu tho chuan min rawn call a, " i star deuh chass ka hria a rawn ti a,  kei lah pek chu haihchham deuh hian, "maw !!  eng a!!  tunge? " ka han ti vat a ani chuan  englo veng ami,  ex-minister fapa kha mawle a rawn ti a, chumi rual chuan, ka khawvel hi a hnim ruai ruai hian ka hria,  Ph no ka kuta ka lo hum thlan hnap chu en in , lunghnur tak chuan ka hmet khawra bawlhhlawh bawmah chuan ka vawm lut ta a.



Chuti khawpa vei leh ngaihzawng ruk chu , mi duhlai thalengi alo nih tak siah chuan engmah dang tih theih awm silo.. he khawvela nula leh tlangval inkara  beiseibo tawp hnua tawngin a hrilhfiah zoloh hla nen a ziak chhuak thin tu,   hla phuahtu tam tak ten an in hnemna leh an thinlunga an in thlamuanna, inhnemna awm chhun TAWNMANG chu hmachhuan ve  in..

"Dawn tisei Mapui i cham reng asin
 Thinlaiah min vei ve la Tawnmangah tal 
 Min chhang ve nang che..."

tih a thunawn lai hi ka sa ve leh tluk tluk anih chu...
ani taka, khawvelah hian lungdumtu leh beisei em em te kan nei a, mahse kan tana ruat an ni vek kher thin silo, beiseina nen a thlir tu chuan  kan tih theih awmchhun leh kan inthlamuan ve theihna  chu zan mumang lama hmuh a lendun  ani mai si a. tichuan zan reilo te chhunga nuam leh duthusam ang ngei a lengdunin  engmah dang ngai lo chuan lo leng ta thin pawh ni ila, Turni vanzawl a lo kaia bawhar zaitin thiama chuan." tawngmang sei.."tiin min lo thang leh ta thin si zawng anih hi maw......!!!

34 comments:

luliana said...

Huisss...lunglen hre lem lova inchhal thin ka nia, mahse i thu leh hla han chhiar zoh hi chuan ka ni deuh nghulh zel..hehe

Sekibuhchhuak said...

Thu leh hla bei ril thei khawp mai.Mizo tawng pawh thiam hle mai,apu Azaia chu ;-D
btw,ka blog link ah ka lo add che ania aw,pawi me?

virgochhas said...

suih lung a leng a ni mawww

:)

Azaia said...

@Luliana e chutia ka blog i chiar vanga ilo awm chu lawm tur nge lawmloh tur ni? lolzz nia lunglen te la na ve reuh ltk a maw buaithlak anih hi..

@sekibuhchhuak, ka lawm e, nia mizo tawng hi tawng tam loh chuan theihnghilh te hi a hlauhawm em a, biak tur duh angin awm siloh ah chuan ziah lamah te hian ka tuan ta vel anih hi.

@Virgochhas (Pi Rami) pawh ilo leng lut ve ani maw!! nia hei hman atang tawh (i nulat lai) khan ka la tawng ve silova, ti hian blog lamah ka luangliam reng mai zel ala nih hi.....

Puia said...

A va ngaihnawm leh pek em.. hetiang lam hi i chemkalna lam tak pawh a nih hi mawle, patling kan lung a chhe mai dawn alom le..:)

Sangtea said...

azaia chanchin kan hriat hi tak2 a nih chuan min barakhaih hle mai...Awih a har kan ti hle mai... Liam mai tur chuan kan phal lo che...loisi,mki,tetei n all at home

Unknown said...

azai..tuar thiam a va har ve oo...kan thinlungah i chamreng..hriatthiam a har a ni...luiral rammawiah kan la intong leh don nia...maruati,pari,mapuii vancouver

Mizohican said...

This feels so weird... but if you can read this from beyond the Grave, do know that we miss you terribly, and that I will always cherish all the conversations we had, the laughter we shared, the jokes we cracked. Damn, I still find it hard to believe...

:-(

Rest in Peace, my brother... You lived good. I will always remember you in my prayers. You're off to a better place now...

virgochhas said...

Azai, a va mak teh thut ve...

hriatthiam a har hle mai..soi tur pawh ka hre lo...ka hamhaih vek...thlamuang tak in chawl roh u...

Illumination said...
This comment has been removed by the author.
Illumination said...

huiham Azai min kal san ta mai a maw.. van mak ve awww.. may your soul rest in peace!! we'll miss u bro!!

amuana said...

I thlarau hahdamin chawl rawh se

Puia said...

A va khawharthlak em..! Hringnun hi a ngui ruai mai a nih hi mawle. I Music dah thar Zomuanpuii leh Mimi te zai ri hian lunglen a tizual hle mai. He blog hi engtin kal zel ang maw? a hrilhhai thlak a ni.

Sekibuhchhuak said...

Sawitur avan vang ve le!Lungte pawh a chhia e a!Thianpa,Muangin chawl mawlh teh khai!

Thihna pawh a Thih hlen tawhna ram mawi ah chuan kan la intawn leh ngei ka beisei.

Lal Jo-a said...

I blog a va khawharthlak ruih ruih ve le aw. rest in peace, azai.

Jerusha said...

A mak ka ti tawp thei lo, ka mailbox te ka en a, I Mizo hla min lo thawn te a lo la awm dil del a..but you're in a better place, rest in peace Azai!

Lucy In The Sky said...

I'm sorry I never had the opportunity to visit your blog earlier...and what brings me here today...

I cried reading your posts and listening to the songs.

May you eternally rest in peace.

James The Poor poet said...
This comment has been removed by the author.
amuana said...

Ka lut nawn leh thudik tak chu a nisi aniang maw!!!! Ka thlarau chan ang ka chanpui tia i blog hi chhiar nuam ka tih theih tehreng nen. Mizo i nihna a chianzia te hi thangtharte tan chuan entawn tlak i ni asin!!!! I sulhnu min hnutchhiah ho zawng hi thlir nawn thlir nawn hi kan tih theih tawk chu a ni tawh mai a nih hi. Thlamuangin chawl mawlh ang che.

Vanchhawng said...

Thianpa awih a van har ve i mail min lo thawn leh comment min pek te ka thlir vung2 mai...Mimi Renthlei pawh ka hrilh tawh e Kan tum vanram ah kan intawh ngei ka beisei.. i lunglen theih dan em2 hi i boral hma dawn vang emaw ni le

Puia said...
This comment has been removed by the author.
Puia said...

Kan rawn fang leh i sul i hnu! Mahse min chhawn thintu nang i awm ta si lo. Ngaiin kan au che, mahse min chhang tur i awm ta lo! Hmana lungkim taka i luanliamna i blog te chu an va riang ta em. Kan phal theilo che thlafam chang atan.

I kutchhuak; heng i thu leh hla te hi kan Thul mawng ah kan lo vawng tha tlat ang a! Kan lunglen apiangin nang hriatreng nan che kan lo sa thin ang.

Aw! i hringnunpar vul lai hi a va tawi lua em! Theihnise kan zingah telin suihlunglen biakthudi han in hlan ho leh dial dial a vak chakawm em! Mahse tawn mang mai an chang zo ta si! ngaiin au che mah ila, kir zai i rel dawn si lo! i telo chuan awmkhua a har dawn ma nge.

An sawi pialral khawpui mawiah muangten chawl ta la, Hawilopar vulna hmun nuam ngeiah chuan he lei hringnun khawhara i thiante hi min rawn hrechhuak la kan va duh em..Goodbye Azaia..!!!

DayDreamBeliever said...

Azai, a va mak ve! A Hrilhhai thlak hle mai a. Mi lunglen thei tak a nih hi, ka lo ti thin che a, lunglen hriat tawh lohna hmuna min liam san thut mai chu min va barakhaih teh lul ve! Rest in peace, brother. We'll miss you so much.

amuana said...

a va khawhar thlak ve!!!!

ThugAngel a.k.a Hipholik said...

ava pawi tak em!!!!!!!

thianpa i Blog a Comment te hi i Reply tawh dawn lo chu a ni mai si a...ava awihawmlohin hriatthiam ava har ve...

Lunglen awm tawh lohna hmunah kan la inhmuh beisei chungin ka mangtha mai ang che...i zinkawng i zawh zo tawh bik si a...thlamuangin lo chawl hahdam rawh..

virgochhas said...

ka lo lut leh a...thlarau ram atrang in i blog te hi i ron en ang em le...

i va ngaihawm tak e

Naupang^Fel said...

Huis! I just don't if I have been brought here by some holy spirits. I'm really sorry despite we don't know each other.

If I were to make a decision, I would decide that you were still here with us. Goodbye...

e said...

Peace may you rest in Peace.
Your time was far too early but u lived ur life to the fullest.

amuana said...

Kum 1 chu a lo vei leh ta reng mai. Hun a liam chak, mahse thinlai ah erawh i hlui thei mawlh lo ani e. Nizan a i pual a i hun hnuhnung an buatsaih ka thlir te khan rilru a thar nawn duh hle mai.

Mizohican said...

Ni e, kum khat chu a lo zo leh der tawh. Hun hi a kal chak khawp mai. We still remember you brother.

:-(

Unknown said...

Thanks Everyone on behalf of Azaia's family for your prayers and simpathy. All of your comments means a lot to us we really appreciate them. I know My Big Bro is in a better place now and I'm sure he is very happy to see all of comments. Once again thanks to everyone. RIP Big bro Azaia....When someone you love become a memory that memory becomes our Treasure.

Te-a said...

I va ti ngaoihnawm thiam ve

H.Vangchhia said...

Mitthla ah alo lang thar leh thin :(

Anonymous said...

Ngaihtuahna a kal thui duh khawp mai. Misual.com lama post hlui ka haichhuah hian i hming leh i post ka hmu fo va, i chanchin ka hriat hmasak ber leh hnuhnung ber erawh i thih thu hi a ni si a.