Thursday, June 19, 2008

Luahloh L di Hmeltha


Zan thla eng chuan kan bathlar chu a rawn en paw riai a, eng eng emaw buaipuia ka room a ka inkhung pawh chu ka insum zo thlawt lova, Pawnah chuan ka va chhuak a, kan inhnunga thingkung lianpui ding chhip ler zawn vel ah chuan chu zan lalnu chuan lungleng leh mal inti ve ngawih ngawih ni awm tak hian amah chauh chuan ngawi rengin a lo eng a. Bryan White's hla ...

"Alone again tonight without someone to love.. star are shining bright
So one more wish goes up...
Oh i wish i may and i wish with all my might.
For the love I'm dreaming of and missing in my life..

i guess i must be wishing on someone else's star...."

tih hla ipod a  play chung chuan, van boruak thiang engmawi tak mai chu ka han thlir vang vang a, He khawvel hringnun inher vel hi min ngaihtuah neuh neuh tir ta a, Kan tleirawl chhuah vel laia Thla bial zan kan hlimpui thin zia te leh kan tawntirh di leh rawlthar di te nen he khawvel ah lungkham dang engmah neilova, vullai nite par ang kan tlan za thin kha ani si a, Khang hunlai tawh atang khan khi 'Chhawrhthlapui' khi chu a danglam ngailova, Tun thleng hian kan naupan laia a hmel ngai leh pian zia ang reng tho khan ngaite in hun takah par ang vul zai ala rawn rel reng bik si thin....

Chumi kum Khuangchawi thla eng zan pawh chu kum sul tam taka lo tih thrin ang tho chuan THLAPUII pawh chu ngaite bawkin a rawn herchhuak veleh a. "Sena chuan inti pachang hram hram rawh aw.. khawvel hi a tawp ta pawh ani hlei nem, Khuanu tuah loh di i tawng palh ve mai alawm , hun herin ala hnem ve mai ang che, tin hei tleirawl nun kan hmang tan ve dawn chauh a, nakum lam ah te Aizawl lamah college te i kal a nga, I tan ruat ngei di i tawnni ala her chhuak ve mai ang..lungngai reng reng suh.. khuarei hian ala ngilh tir ve mai ang che." tia dum bur phawrh paha mei zial neuh neuh chung chuan a thiam tawk te te chuan min hnem ve a. 

Ani taka ka la lungrun deuh pawh ani mahna, mahse ka mithhla ah chuan ka awm ngheng a Euro cup kan pahniha kan en tum a, "Az ka leilawmna ber ini tih hi i in hria em? khuanu samsuih loh leng  kan nih hi ka hlau e.. " tia pangchang taka ka hmuia min fawp thin kha ani si a.  Rem lo tura ruat ta fam chu e, hun a lo her a thenna kawlah a lo her chhuah meuh chuan  lung hnurin mawi leh mawilo pawh kan dawn zo ta lo anih hi maw..

Ka tingtang kuah lai chu ka han tum ri ve tang tang a, run tak leh a thu a cheng ve em em mai hian, kan thiandun chuan "luahloh l di" tih hla ngei mai hi kan han sa dun anih kha.. Hmeichhia duhlo tu vanga mittui han sen chu nep inti ru hle mah ila, ka dang thei mawlh silo ..

"Kan hlimlai ni a liam mai tur hi
Ka phallo aw ka di nang ngaihlai
Eng biahthu hriain nge suihlung i her tak
Aw ka ngai em a che luahloh L di hmeltha

I mawi chuang bik asin i lenrual zingah hian
Fur khawthiang chhawrhtla eng i iang e
Ngaihno bei chuang hmangaih par ka thliahpui siloh
Aw ka ngai em a c he luahloh L di hmeltha

Kan runah nuthai chang min tiam a
Kan silh leh fen ang fen min tiam a
Lianchhung annem ka phuloh val i tawn vanga
Suihlung min hersan hi tuar a har ana ka ti

Hmangaihna chhingmitdel vang em ni
An hai lo lengzawngten kan nunhlui
Kan hlimthlaa suihlung kan ruallai ka thlirin
Ka tuar zo dawm nem maw luahloh L di hmeltha "


13 comments:

Mizohican said...

Mizo tawng upa leh hla thu ka hriat tlem vang pawh a ni maithei a, enge a awmzia "L" han tih tawp hi?

Azaia said...

@kima keipawh ka hre bik hauh lo mai, ka rindan chuan a lawmnu kohna ani ngei ang, hming lamtawi emaw hming bul, or koh duatna ..

emaw " LD Hmeltha " tih pawh ani zawk in ka ring ...

luliana said...

"Hmeichhia duhlo tu vanga mittui han sen chu nep inti ru hle mah ila, ka dang thei mawlh silo .."

A loh theih loh hun hi a awm ve chawk a nia..;)..ngaihnawm dup dup hle mai, 'ku azaia nge nge..

Puia said...

Ekhai, a ngaihnawm hle mai. Mahse tlawmngaihthlak deuh hlek mai thei. Bus leh nula chu um an ngailo, a rawn kal leh mai, an ti ngai e..:)

Thla eng hi keini Mizote hian kan ngaihlu lehzual em ni chu aw a tih theih a. Kan khua leh Zoramah ngai pawh electric kan neih na a la rei lo va. Tin, mi ram changkang angin kan mamawh khawp leh duhkhawp kan nei zolo bawk nen, zan lam boruak tinuamtu ber chu thlaeng hi a ni tlat a tin ni. Chuvangin Roliana pawhin 'Zan Lalnu' a lo tihial a.

Awzzman said...

"Kan hlimlai ni a liam mai tur hi
Ka phallo aw ka di nang ngaihlai
Eng biahthu hriain nge suihlung i her tak
Aw ka ngai em a che luahloh L di hmeltha"


a va lungrunthlak ve le..Love this post!

Mizohican said...

Hotupa Puia hian a hriat ka ring "L" tih awmzia khi chu... han sawi thei se chu aw, a lawmawm khawp ang!

Azaia said...

@luliana, nia i sawi dik khawp mai, a hun lai hi awm ve nia tiraw..

@puia nia tlawmngaihthlak deuh tiraw, e i thurawn hi ka lo hre reng tawh a nge, mahse tumaw bus nghak ang khan kan nghak chhuak olo ang tih pawh hi hlauhawm ve deuh tho chu a nia. lolzz

Azaia said...

@awzzman Houtpa nang meuh in lungrunthlak ilo to ve tho maw..?? lawm e.

@Kima nia Puia hian a hre tak ang a L tih awmzia chu...

Jerusha said...

Boss hi chu lunglen theih hmel ngawt mai. I post ka chhiar piang hian min ti lungleng ve ziah lehnghal, ngui deuh lai chuan chhiar ngam pawh ni lo.

Mizohican said...

hehehe nia hotupa Puia hian a hre chiang viau ang "L" awmzia hi chu. A ni hi chu a "L" ruk hmel tlat, real-life ah hian. A mit meng te reng reng pawh hi a "L" vek. A tangkam hmang dan te pawh a "L". A zei khawp mai hotupa "L" Puia nge nge hi chu...

Mizohican said...

Ku Jerusha-i ve thung hi chu a "L wannabe" hmel... :-P

Puia said...

hahaha, hotupa Kima hi 'L' tih lamah chuan sir tih tur a ni. A ni chuan 'L' hi kawng sarih (Lucky number) angin a hrilhfiahna lehkhabu Lengchhawn press bublish ah ka chhiar tawh tlatin ka hria.

Nula ten, Kima nang chu i 'L' thei em mai, an tih chuan L takin a nui a, L takin a zunah an uai tho zel.. an ti..:)

amuana said...

Min lo hrethiam la kan sawi ve chak tlats :)

If you Love something set it free
If it comes back it is yours
If it does not it never was!! tih hi i pawm zawng a ni ve em :)